كـل مآيخـص شآعـر الخنآجـر ( حـآمد زيـد ) !

صبّح صبّح على قنبلة الشعر ( حـآمد زيـد )
مآله دآعي المقبلآت اللي مآلها سنع
نخش دغري بالموضوع ( حـآمد زيـد )

نبذه عن الشآعر :
اولا البطاقة الشخصية:-

الاسم : حامد زيد سعدون فارس العازمي

مواليد 4/فبراير/1977 للميلاد

الحاله الاجتماعيه : متزوج وله ثلاث بنات ( اسماء - ساره - ريم )

المستوى التعليمي حاصل على شهادة دبلوم ادارة من كلية الدراسات التجارية

موظف في وزارة الشؤون الاجتماعيه والعمل بالكويت.

حاصل عاى عضوية ديوانية شعراء النبط الكويتيه بدرجة شاعر ممتاز

ثانيا البدايات الاعلامية :-

كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد . والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .

اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر, شاعر المختلف, شاعر الشباب, شاعر المطولات, شاعر الخناجر )

ثالثا اهم النشاطات الاعلامية :-

1- داخل الكويت :-

*امسية هلا فبراير بتاريخ 5 فبراير 2001 بمشاركة كل من الشاعرين : ضيدان بن قضعان وعياد الشمري

*امسية هلا فبراير بتاريخ 9 فبراير 2002 بمشاركة كل من الشاعره بشاير الشيباني والشاعر حمد السعيد

*امسية هلا فبراير بتاريخ 16 فبراير 2004 بمشاركة الشاعرخالد المريخي

*امسية الهيئه العامه للشباب والرياضه بالتعاون مع جريدة السياسه فيه 12 يونيو 2000 وكان عريف الامسيه الاستاذ على المسعودي

*امسية معرض الكتاب وكانت بمشاركة الشاعر رجا القحطاني فى عام ديسمبر 2000

*الملحمه الوطنيه وكانت بمناسبة مرور عشر سنوات على تحرير الكويت واربعون سنه على الاستقلال وكانت بمشاركة عشر شعراء خمسه من الكويت وشاعر من كل دوله من دول مجلس التعاون وهم كل من :

من دول مجلس التعاون :-

(خلف بن هذال العتيبي) من المملكه العربيه السعوديه(محمد عبدالعال) من مملكة البحرين (هادي القحطاني) من دولة قطر (خالد المعنى) من سلطنة عمان (محمد المر) من دولة الامارات العربيه

ومن الكويت كل من :-

(محمد عبيد العجمي) (سعود الفهد) (شنوف الهرشاني) (طلال السعيد) (وشاعرنا) بالاضافة الى العديد من الامسيات والمهرجانات فى كثير من المحافل فى الكويت

2- خارج دولة الكويت :-

*أمسية مهرجان عباده وإستفاده فى المدينه المنوره فى 25 يونيو 2001

*أمسية مهرجان صيف الطائف وكانت تحت رعاية الأمير / فيصل بن خالد بن عبدالعزير آل سعود بتاريخ 5 يوليو 2001

*أمسية أتحاد طلبت الكويت بالقاهره في اكتوبر 2000

*أمسية عنيزه في ختام مهرجان القصيم السياحي والتي وصل جمهورها الى 8000 شخص في تاريخ 31 يوليو 2003

*أمسية ابوظبي في 15 إكتوبر 2003 تحت رعاية سمو الشيخ فلاح بن زايد بن سلطان آل نهيان

*أمسية صيف أبها في7 أغسطس 2004 تحت رعاية الامير فيصل بن خالد بن عبدالعزيز

*أمسية واشنطن بالولايات المتحدة الامريكية ...وكانت من تنظيم اتحاد طلبة الكويت فرع الولايات المتحدة

*أمسية مانشستر سيتي بالمملكة المتحدة البريطانية ...وكانت من تنظيم اتحاد طلبة الكويت فرع المملكة المتحدة البريطانية

*امسية راس الخيمة بالامارات العربية المتحدة وكانت تحت رعاية ولي عهد راس الخيمة الشيخ احمد بن صقر القاسمي.

رابعا الاصدارات الشعرية :-

الاصدار الاول ديوان مقروء ويحمل اسم أربع خناجر .

الاصدار الثاني والبوم مسموع يحمل أسم شعر حامد زيد .

الاصدار الثالث البوم صوتي يحمل أسم السفينه .

الاصدار الرابع امسية هلا فبراير 2004 للشاعر حامد زيد وخالد المريخي .

الاصدار الخامس امسية أبوظبي وتجمع كل من الشاعر حامد زيد والشاعر سعد علوش .

الاصدار السادس وهو ديوان مطبوع بأسم يقولون مالا يفعلون.

الاصدار السابع البوم صوتي ويحمل اسم البوم الجمهرة وهو الالبوم الاكثر شهرة على مستوى مبيعات كاسيتات الشعر.

قصآئـد مختـآره :
القصيده :وش اللي يجبر الشاعر

انا والليل والعبرة وجرح وخاطر ٍمكسور
ونفس من هجير البعد والحرمان مقهورة وقلب ظامي لشوفك ولايروى ظماه بحور
وعين تحتري لحظة غياب الطيف وحظوره

ونار تنطفي مره ومره تشتعل وتثور
واقول النار مقدورة وهي ما هيب مقدورة

حسبت الليل بغيابك يمرن الليال دهور
وكني شايل بقلبي ليال الوقت وشهوره

تصبرت وتقدرت وبنيت من الخيال قصور
إلين ان الجفا شد الركايب وانتهى دوره

تحريتك على درب القصيد من ثلاث شهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه أبين واكشف المستور
ولكن الجمال أكبر من الخفاق وشعوره

جمال وود وعيون ودلال وكبرياء شعور
وفتنة تخذل عيون النهار وينطفي نوره

ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربي المهجور
والا يا جملة أيام الجفا والصد مشكورة

خذتني للجفا عزه واخذني للعناد غرور
واخاف اكون بعنادى حبيب ومات بغروره

وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره

++++++++++++++++++++++++

منك العذر وعلي المعذره

لا تحسب حساب هجر ولا هجير

كل ذنب بتذنبه بستغفره

واحد(ن) ما يعذرك ما فيه خير

دور بصدري وطن واستعمره

عندك من الضلع الأول للأخير

عيش فيني وادمر اللي تدمره

واعتذرلي واعتبر سرك ف بير

لا تبشرني بجرح وتذخره

لا تعشمني بفرح وتستخير

ولا تنومني بليل وتسهره

ولا تنام الا وانا جفني سهير

خلني مثل النجوم مبعثره

عيش فيني لا شهيق ولا زفير

لا تقول العفو عند المقدره

خل قلبك صلب وحسابك عسير

المسامح والزعل للمبزره

والا انا لاني زعول ولا صغير

ودي ادري ليه للحزن ثمره

ودي اقطف من قساوتك العبير

ودي اجفل من فراقك واحذره

ودي اعرف لو زعلت شيب يصير

لو تقدر خاطري صدق اكسره

لو صحيح تحبني لا تستشير

ازرع بقلبي سبب يستنفره

اثبت انك غير وان الناس غير

شاعرك ما كل بنت تجرجره

حارت ابه عقول ناس(ن) ما تحير

النسا ما حركوا فيه شعره

ثار عشق وما لقى شي يثير

لو سكت شفت الوقار بمنبره

وان تكلم زمهرير بزمهرير

ما يحضر إلا القلوب مجمهره

وما يغيب الا وعشاقه كثير

إن هجرته تستقر بمحجره

وإن تبعت رضاه ما عينت خير

إعشقه لكن بعد ما تقهره

إبتسم له بس لا شفته كسير

حن لكن حن لا جبت خبره

حب لكن خل حبك بالاخير

لو عطيته وجهك أعطاك ظهره

صد عنه ويتبعك مثل الضرير

لا تحاول تكسبه ما تخسره

صير ثلج يصير لك مثل السعير

ما تميل الا الغصون المثمره

وما يسيل من الجروح الا الغزير

من قبل ما تنقهر منه اقهره

قبل لا يستحقرك خلك حقير

اسكنه حرك جموده بعثره

اعشق اكره عاتب اشره حن غير

انثره لملمه.. لملمه انثره

صد.. ياخي طير لو تقدر تطير

من متى وانا اتحرى لي مره

تثبت اني لا وقعت اوقع كبير

ابك انا مقطوع من غصن شجره

لا صديق ولا رفيق ولا عشير

بدوي(ن) شيب الصبر شعره

ما عرف ريش النعام ولا الحرير

إن غفا كأن السحاب يدثره

وإن صحى يفرش من الرمضا حصير

ماخذ(ن) من قسوة البيد أكثره

ومن شموخ البدو شر(ن) مستطير

جنته صحراه والشوك زهره

والسراب بنظرته مثل الغدير

إن فزع يا مشجعه يا مظفره

من خلقه الله وهو قرم وفقير

كان ما تقدره قل ما تقدره

صير غالي صدق والا لا تصير

الغلا اللي ما تزعزعه اهجره

دام قلبك لا يجار ولا يجير

شوف لك رجل(ن) بليد استحقره

واجد اللي يعشقون بلا ضمير

بس انا لو جبت لي مية مره

ما تحرك فيّ شعره لو تطير

++++++++++++++++++++++++

القصيده :الدنيا بخير

الظلام اليا تبرى من مدرات النهار
يبتدي عمره ضرير وينتهي عمره ضرير
والعيون اليا عماها حقدها تبقى صغار
ماتهادي مستواها غير للعقل الصغير
والدروب اللي نهاية وصلها ذاك المسار
ماتساوت مع طموحات الفهيم المستنير
من يميز في طريق الشر حسن الاختيار
من صرخ في كل قلب مظلم بصوت النذير
من قدر ياخذ بحق التايه الضايع قرار
من دفع عمره لحب الناس لو يبقي فقير
من يقيد لكل فزعه للندم همسة شرار
من يطفي بالقلوب المدمنة نار السعير
من خلقنا ماعهدنا غير حب الافتخار
نملك الصبر الكبير ونعشق الدرب العسير
همنا نرفع بلدنا مع صفوف الازدهار
ونتذكر يوم كان ترابها فرش وحصير
وللاسف عشنا وشفنا حرب درب الانحدار
حرب تشتيت القلوب وحرب تأنيب الضمير
حرب اقسى من حروب النار وحروب الدمار
حرب ابشع من نزيف الدم وبالسيف الشطير
بالسموم اللي تروج بالكويت بكل دار
السموم اللي تردوا من سبايبها كثير
والشباب اللي تمادوا في دروب الانتحار
اصبحوا فيها رهينة لعنة السم الحقير
يستغيثون بعمار النفس من نسف العمار
يرتجون وداع ظلما الليل للصبح المنير
صرخة المدمن تهيم وترتجي رفع الستار
رددت عند الهدف كلمة يصير أو مايصير
أشعلت بين الضلوع العوج بعد النور نار
وأدمعت كل العيون المشفقة دمع غزير
وامتلت كل الحناجر من صدى الصرخة مرار
وارتوت كل القلوب الضامية من زمهرير
آفة الإدمان زادت وابتدت بالانتشار
والوجوب إنا نحدد في تلاحمنا مصير
ناخذ اطراف القضية في عيون الاعتبار
ونرسم دروب النجاة وخطة الفوز الكبير
ونرسم خطانا وتكفي دمعة المدمن شعار
ويكفي إنا من ربوع المجد وأخوان الاسير
إن نوينا ما بغينا غير حرب وانتصار
وان ضمينا ما رضينا غير نروى من غدير
إتحدنا قلب واحد للهدب والاختيار
والفضل يرجع لربي ثم يرجع للامير
وعلموا من يفقد احساس الامل بالانتظار
الهدف لازال حي وتوها (الدنيا بخير)

++++++++++++++++++++++++

القصيده :خطاك السو

لأن الدمع ما يسخي عطاه إلا على الأحباب
ترى ما للهدب دمع صدوق إلا مع أحبابه

ومدام أن الدموع أصدق تعابير الحزن بأهداب
حرام أن الدموع تجف طليلة فترة غيابه

هذاك اللي شعل شمعة ضوت كل الدروب وذاب
فقد رمل الوطن دوسة قدمه وعطر ترحابه

فقده من الثرى ضيق وتراحيب وسهل وهضاب
فقده من الوطن حتى عذوبة ماه واعشابه

يغيبه المرض عنا وكنه بيننا ما غاب
بعيد وشعبه الوافي عليه أقرب من ثيابه

سكن باهدابنا حتى يلامس رعشة الأعصاب
فرش بدروبنا قلبه ولف الشعب بأهدابه

تضيق ابنا الدروب ونرتجي في وجهه الترحاب
حشا كن الشوارع ماتمر إلا على بابه

من أول ما حكم وأسس ومسس للثبات أطناب
سجد قلبه على ملة رسول الله وكتابه

غرس فينا الوفا نبته مثل ماتنبت الأعشاب
وقال إن الثرى له حق نشقى له ونشقى به

وطن ما به وطن غيره....ولا غير التراب تراب
مادام الله خلق دون البلاد سباع وذيابه

عرفت أنه يهاب أنه يهاب وما يعرف يهاب
يحفظ الدار يوم الجار ثار وكشر انيابه

وقف للعالم بأسره وقوف الفاقد الطلاب
خطب خطبة شجاع وفزز التأييد بخطابه

عتق دمعة فرح تلبس لميعاد الرجوع ثياب
حشا كن الدموع تعرف علم الغيب واسبابه

خطاك السو وعيون الحسود وهرجة الكذاب
وتعدتك المنايا يا ظلال الشعب وحجابه

فبعدك يا طويل العمر يبقون القراب أغراب
وترى يا شيخ ما كل القلوب البيض تتشابه

يقولون الغلا واحد وأنا قايل: شجاب لجاب؟
هذاك الشيخ جابر غير..ذاك الشيخه أولى به

هذاك اللي فقد لذة منامه لأصغر الأسباب
هذاك يموت ما خيب هقاوي من تهقوا به

هذاك إن لد للعذرا تغطرف له ولع وإعجاب
هذاك اللي أسر عشق القلوب بطرف سبابه

هذاك اللي من أفعاله عجز في مثله الا نجاب
كأن الله منع بعده يجي شخص يتحلى به

هو اللي شتت جموع الضياع وولف الأحزاب
هو اللي جفف دموع اليتيم ويتم صوابه

هو أول من حما شعبه من طعون الزمن وأ نصاب
هو اول من نذر نفسه يرد الحق لاصحابه

كأن الله خلق بينه وبين المستحيل أحجاب
فلا يعرف محال إلا يكون أسهل من صعابه

أبو مبارك تطامن له خشوم وتفتديه رقاب
عريب إن ما زها بالمجد كان المجد يزهابه

ودام الله خلق فينا جماعات وأمم وأنساب
أبي هو بالجود انساب خلق أكرم من أنسابه؟

تحلى بالصبر يا شعب......لا تحزن ولا ترتاب
ترى شعب الكويت أكبر من ان الشك ينتابه

وعساكم أن تحبوا شيء كرها يا ألو الألباب
وعسى أن تكرهوا شيء وهو خير لطلابه

نبي نصبر على كربه ولو أن الصبر غلاب
عزانا للبلاد أنه بيحيا له ويحيا به

ومثل ما قد سجد بأرضه لوجه الباري التواب
بعون الله بيرجع له وبيسجد على ترابه

وتطير من الفرح بسم السلام من الحمام أسراب
بعدها تكتمل فرحة رجوع الشيخ الأحبابه

وعسى رب السما يفتح لدعوات القلوب أبواب
وتكون أصدق دعاوى شعبه ملباه ومجابه

ولأن الدمع ما يسخي عطاه إلا على الأحباب
حرام أن الدموع تجف طليلة فترة غيابه

++++++++++++++++++++++++

أكتفـي بهـذه القصائـد

صـور :

في طفولته

:
:
ملآحظه :
- إذا احد من الاعضاء عنده زياده عن الشاعر سواء صور او اخبار او معلومات لا مانع من طرحها

وإن شآءالله اكوون مآنسيت شي أو يكون فيه أي نقصآن بالموضوع

[size=]وه وه يا حووووبي له بس !!!

تصدقين توني ادري انه متزوج<<

يا حليله،،

بس وربي انه جدا جدا مبدع خطيررررررررررررر لابعد درجه!!

ماشاء الله عليه،،والله يوفقه!

إعشقه لكن بعد ما تقهره !

إبتسم له بس لا شفته كسير !

حن لكن حن لا جبت خبره !

حب لكن خل حبك بالاخير !

احب هالقصييييييدهـ مرررررره!!

يعطيك العاافيه اووخيتي!!

عالموضوع الحلوووو

ولي عوووده

تحياااتي[/size]

يآآحووبي له أكثررر
لآآآهـ جد .. حسافه صرآآحه -__-

إيييه والله بهذي صدقتي وانا اوخيتتس
مبدع الى ابعد الحدوود .. وبطل مررره ..
آمييين ويوووفقنآ
الله يعآآفيك
حيآآك الله

فديتك ع الموضووووووع يجنن
الله عليك ياحامد كل قصايده تجنن الله يعطيه العافيه
[size=24]كل جرح من جروحي تذكرينه تنكرينه...
كن مالك في نزيفه يد خانت بالامانه..
ينزف الخافق تواضع لين لطختي جبينه..
ولا انا ماابيها توصل لحد الاهانه..[/size]

[size=24]اذا حبك اهبال اطفال؟؟ لك عندي اهبال اطفال
ولا_وابشر بعد بهبال حب ماهو بهبالك
واذا قصدك تهين اسمي عشان تشمت العذال؟؟
ترى لاانت ولاغيرك ولا عشره من اشكالك[/size]

مو اجنن منك يآحلووه .. والله يعافييييك حبيبتشي
ومتشكرررررره أووووي ع المشآركـه والزيآده في الموضوع بعد تشبدي
لآ تحرمينآ طلتك

ومدام أن الدموع أصدق تعابير الحزن بأهداب
حرام أن الدموع تجف طليلة فترة غيابه

من جددددددددددددددددددددد مبدددددددددددددددع

عوافي حوووبــي على الموضوع الحلوو مثلك

الله يعآفيـك .. مرورك وردّك الأرووع

السلااام
صح السانك study

يسلمووووو ع الموضوع

وعليكم السلآم .. صح بدنك أخووي ..
الله يسلمك .. ونووورت

شكرا على الموضوع الرائع

وصح لسان حامد زيد Razz

العفـوو .. ومروركـ الأرووع
صح بدنكـ

عدد الرسائل : 52 تاريخ التسجيل : 08/09/2008

عشقتها من قلب وميه وتركتهايوم انها عاندتني

من جد د د د د د د د خطير ر ر ر ر ر ر

ع العموم شوكرن اختي كـل مآيخـص شآعـر الخنآجـر ( حـآمد زيـد ) ! 250885